మస్కట్: భారతీయ జనతా పార్టీ అధికార ప్రతినిథి, ప్రొఫెట్ మొహమ్మద్ మీద చేసిన అభ్యంతరకర వ్యాఖ్యల్ని ఒమన్ ఖండించింది. ప్రొఫెట్ మొహమ్మద్, ఇస్లామ్ మరియు ముస్లింలపై బీజేపీ అధికార ప్రతినిథి చేసిన వ్యాఖ్యలు ఖండనీయమని ఫారిన్ మినిస్ట్రీ ఫర్ డిప్లమాటిక్ ఎఫైర్స్ అండర్ సెక్రెటరీ షేక్ ఖలీఫా బిన్ అలి అల్ హార్తి పేర్కొన్నారు. ఒమన్‌లో భారత రాయబారి అమిత్ నారంగ్‌తో సమావేశం సందర్భంగా ఈ ఖండన ప్రకటన చేశారు. ఈ తరహా వ్యాఖ్యలు సమాజంలో వైషమ్యాల్ని పెంచుతాయని చెప్పారు.