మస్కట్: మస్కట్‌లోని ఓ పొలంలో చెలరేగిన మంటలను సివిల్ డిఫెన్స్ అండ్ అంబులెన్స్ అథారిటీ (సీడీఏఏ) అదుపు చేసింది. విలాయత్ ఆఫ్ సీబ్‌లోని అల్ ఖౌద్ ప్రాంతంలో ఒక వ్యవసాయ క్షేత్రంలో అగ్నిప్రమాదం జరిగిందని సమాచారం అందగానే మస్కట్ గవర్నరేట్‌లోని సివిల్ డిఫెన్స్, అంబులెన్స్ డిపార్ట్‌మెంట్ (CDAA) అగ్నిమాపక బృందాలు వేగంగా స్పందించాయని అధికారులు తెలిపారు. సకాలంలో ఘటనా స్థలానికి చేరుకొని మంటలను అదుపులోకి తీసుకొచ్చినట్లు పేర్కొన్నారు. ఈ ప్రమాదంలో ఎవరికి ఎటువంటి గాయాలు కాలేదని సీడీఏఏ స్పష్టం చేసింది.