అబుదాబి: కారును కొనుగోలు చేయడానికి ముందు టెస్ట్ డ్రైవ్ కు తీసుకెళ్లిన వ్యక్తి.. మూడు రోజుల్లో Dhs 15,000 విలువైన ట్రాఫిక్ ఉల్లంఘనలకు పాల్పడ్డాడు.దీంతో కారు యజమాని ఆ మొత్తంతోపాటు ఫీజులు, ఖర్చులు కలిపి Dhs15,170 చెల్లించాలని డిమాండ్ చేస్తూ.. కోర్టులో కేసు వేశాడు. అన్ని వివరాలను పరిశీలించిన అబుదాబి ఫ్యామిలీ అండ్ సివిల్ అడ్మినిస్ట్రేటివ్ కేసుల కోర్టు ఆ వ్యాజ్యాన్ని తిరస్కరించింది. అప్పీలుదారు ట్రాఫిక్ జరిమానాలు చెల్లించినట్లు కేసు కాగితాలలో ఆధారాలు లేవని కోర్టు సూచించింది. ట్రాఫిక్ నియంత్రణ నియమాలు, విధానాలకు సంబంధించి 2017లోని అంతర్గత మంత్రిత్వ శాఖ రిజల్యూషన్ నెం. 178లోని ఆర్టికల్ 10 ప్రకారం.. వాహన యజమాని తన వాహనాన్ని మరొకరికి అధికారికంగా బదిలీ చేయబడే వరకు వాహనంపై నమోదయ్యే అన్ని ఉల్లంఘనలను వాహనం యజమానే బాధ్యత వహించాలని కోర్టు స్పష్టం చేసింది.