సౌదీ: కరోనావైరస్ మహమ్మారి ఎపిడెమియోలాజికల్ పరిస్థితిని అనుసరించి ముందు జాగ్రత్త,  నివారణ చర్యలను ఎత్తివేయాలని సౌదీ అరేబియా నిర్ణయించింది. గ్రాండ్ హోలీ మసీదు, ప్రవక్త మసీదు, పబ్లిక్ హెల్త్ అథారిటీ "వెఖయా" ద్వారా జారీ చేసిన ప్రోటోకాల్‌లను రద్దు చేశారు. దీంతో ఇకపై ఈవెంట్‌లు, ప్రజా రవాణా సాధనాలు మినహా ఇతర ప్రదేశాలలో మాస్కులు ధరించాల్సిన అవసరం లేదు. అదే సమయంలో వ్యక్తిగత భద్రత నేపథ్యంలో మాస్కులు ధరించాలని సౌదీ ఆరోగ్య శాఖ ప్రజలను కోరింది. విదేశాలకు వెళ్లాలనుకునే పౌరులకు (కోవిడ్-19) వ్యాక్సిన్ బూస్టర్ డోస్ తీసుకోవాల్సిన వ్యవధిని మూడు నెలల నుంచి ఎనిమిది నెలలకు(రెండవ డోస్ తీసుకున్న తర్వాత)  ఆరోగ్య మంత్రిత్వ శాఖ పొడిగించింది.