లోకేష్ కనగరాజ్.. ఇప్పుడీ పేరుకు పరిచయం అక్కర్లేదు. వెరీ యంగ్ డైరెక్టర్. తీసిన సినిమాలు కూడా చాలా తక్కువే. కానీ, ఆయన గురించి ఎక్కువగా మాట్లాడుకునేలా చేశాయ్ ఆ సినిమాలు. ఆ రేంజ్‌లో ఆయా సినిమాల్లోని టేకింగ్, గ్రిప్పింగ్ వున్నాయ్ మరి.

తాజాగా ‘విక్రమ్’ సినిమా తెరకెక్కించాడీ యంగ్ అండ్ డైనమిక్ డైరెక్టర్ లోకేష్ కనగరాజ్. తెలుగు, తమిళంతో పాటు, పలు భాషల్లో రూపొందిన ఈ సినిమా, విడుదలైన అన్ని భాషల్లోనూ మంచి విజయం అందుకున్న సంగతి తెలిసిందే.

అయితే, ఇప్పుడు టాపిక్ ఏంటంటే, లోకేష్ తెరకెక్కించిన గత చిత్రం ‘ఖైదీ’ గుర్తుండే వుంటుంది. కార్తి హీరోగా రూపొందిన చిత్రమిది. సినిమా అంటే హీరో, హీరోయిన్, విలన్.. ఈ పాత్రలు కీలకంగా వుండాలి. కానీ, హీరోయినే లేకుండా ఈ సినిమాని తెరకెక్కించాడు లోకేష్ కనగరాజ్.
నిజంగానే ఇది పెద్ద సాహసం. అందులోనూ కార్తిలాంటి రొమాంటిక్ హీరోకి హీరోయిన్ లేకుండా అంటే, మొదట్లో ఈ సినిమా విషయంలో కాస్త నెగిటివిటీ నెలకొంది. కానీ, రిలీజ్ తర్వాత, సినిమాలోని గ్రిప్పింగ్ చూసి అటు డైరెక్టర్‌నీ, ఇటు కార్తిని కూడా మెచ్చుకోకుండా వుండలేకపోయారు.

ఏ మాత్రం బోరే కొట్టించకుండా ప్రేక్షకుల్ని కట్టి పడేశాడు ‘ఖైదీ’ సినిమాతో డైరెక్టర్. ‘విక్రమ్’ సినిమాలో ‘ఖైదీ’కి సంబంధించిన కొన్ని పాత్రల్ని లింక్ చేసి చూపించాడు. ఆయా పాత్రల గురించి అర్ధమవ్వాలంటే, ‘ఖైదీ’ మూవీ ఖచ్చితంగా చూడాల్సిందే అని మాట్లాడుకుంటున్నారు.
అసలు ఏ డైరెక్టర్ చేయని సాహసం ఇది. సీక్వెల్ సినిమాల్లోనే ఇలాంటి లింకులు కనిపిస్తుంటాయ్. అలాంటిది ఓ హీరో సినిమాకీ, ఇంకో హీరో సినిమాకీ లింకు అంటే అది కాపీగా పరిగణిస్తారు. కానీ, లోకేష్ కనగరాజ్ రూటే సెపరేటు. అందుకే ‘విక్రమ్’, ‘ఖైదీ’ లింక్ వేరే లెవల్. అన్నట్లు ప్రస్తుతం ‘ఖైదీ’కి సీక్వెల్ ప్లానింగ్‌లో లోకేష్ కనగరాజ్ బిజీగా వున్నాడు.