యూఏఈ: జూలై 18 నుండి ప్రారంభమయ్యే పాఠశాల క్యాలెండర్, ఉపాధ్యాయుల సెలవు విధానంలో ఎటువంటి మార్పులు లేవని యూఏఈ విద్యాశాఖ ప్రకటించింది. ఎమిరేట్స్ స్కూల్స్ ఎస్టాబ్లిష్‌మెంట్ (ESE) గత సంవత్సరం అక్టోబర్‌లో ఉపాధ్యాయులందరికీ విద్యా సంవత్సర క్యాలెండర్‌ను విడుదల చేసింది. ఇందులో ప్రస్తుత విద్యా సంవత్సరం ముగిసే తేదీని జూలై 14గా పేర్కొన్నారు. కానీ యూఏఈలో కొత్త వీక్లీ హాలిడే సిస్టమ్ అమలులోకి వచ్చిన తరువాత.. సోమవారం నుండి శుక్రవారం వరకు పనిదినాలు మొదలవుతున్నాయి. శనివారం, ఆదివారం వీకెండ్ గా ప్రకటించిన విషయం తెలిసిందే. ఈ నేపథ్యంలో ప్రస్తుత విద్యా సంవత్సరం చివరి రోజు జూలై 15 (శుక్రవారం)గా నిర్ణయించినట్లు ఎమిరేట్స్ స్కూల్స్ ఎస్టాబ్లిష్‌మెంట్ (ESE) చైర్‌పర్సన్ తెలిపారు.