మెగాస్టార్ చిరంజీవి 154 వ చిత్రం బాబీ దర్శకత్వంలో తెరకెక్కుతోన్న సంగతి తెలిసిందే. ‘వాల్తేర్ వీరయ్య’ అనే టైటిల్‌ని ఈ సినిమాకి ఫిక్స్ చేస్తూ ఇటీవల ఓ పోస్టర్ కూడా రిలీజ్ చేశారు. ఈ సినిమాలో జాలరి పాత్రలో చిరంజీవి కనిపించనున్నాడనీ పోస్టర్ ద్వారా మేకర్లు రివీల్ చేశారు.

అన్నట్లు ఇది స్ర్టెయిట్ తెలుగు మూవీ. పక్కా మాస్ ఎంటర్‌‌టైనింగ్ కాన్సెప్టుతో రూపొందిస్తున్నారు. చిరంజీవి మార్క్ మాస్ ఎలిమెంట్స్ అన్నీ ఈ సినిమాలో చూపించబోతున్నాడు డైరెక్టర్ బాబీ.

కాగా, ఈ సినిమా రిలీజ్ డేట్ ఫిక్స్ చేస్తూ చిత్ర యూనిట్ ఫ్యాన్స్‌కి మెగా సర్ప్రైజ్ ఇచ్చింది. సినిమాని సంక్రాంతికి రిలీజ్ చేయనున్నట్టుగా చిత్ర యూనిట్ అధికారికంగా ప్రకటించింది. మైత్రీ మూవీస్ మేకర్లు ఈసినిమాని ప్రతిష్ఠాత్మకంగా నిర్మిస్తున్నారు. శృతిహాసన్ ఈ సినిమాలో హీరోయిన్‌గా నటిస్తోంది.
ఆల్రెడీ చిరంజీవి రెండు రీమేక్  సినిమాల్లో నటిస్తున్న సంగతి తెలిసిందే. అందులో ఒకటి మలయాళ రీమేక్ ‘గాడ్ ఫాధర్’ కాగా, తమిళ రీమేక్ ‘భోళా శంకర్’ ఇంకోటి. ఈ రెండు సినిమాలూ కొంత మేర షూటింగ్ జరుపుకున్నాయి. ఈ ఏడాది వరుసగా ఈ రెండు సినిమాలూ ప్రేక్షకుల ముందుకి వచ్చేస్తాయి.

‘గాడ్ ఫాదర్’ రీమేక్‌లో హీరోయిన్‌గా నయనతార నటిస్తుండగా, ‘భోళా శంకర్‌లో తమన్నా, చిరుతో జత కడుతోంది. సాయి పల్లవి ఈ సినిమాలో చిరంజీవి చెల్లెలి పాత్రలో కనిపించనున్న సంగతి తెలిసిందే.