అక్కినేని బుల్లోడు నాగ చైతన్య దూకుడు పెంచాడు. వరుసగా ప్రాజెక్టులు ఓకే చేస్తున్నాడు. ఇప్పటికే చైతూ నటిస్తోన్న ‘థాంక్యూ’ సినిమా త్వరలో రిలీజ్‌కి రెడీగా వుంది. రాశీ ఖన్నా ఈ సినిమాలో హీరోయిన్‌గా నటిస్తోంది. అలాగే, బాలీవుడ్‌లో చైతూ నటిస్తోన్న ‘లాల్ సింగ్ చద్దా’ కూడా రేపో మాపో రిలీజ్‌కి రెడీగా వున్న సంగతి తెలిసిందే.

అమీర్ ఖాన్ ఈ సినిమాలో లీడ్ రోల్ పోషిస్తున్నాడు. చైతూకి ఇదే తొలి బాలీవుడ్ మూవీ కావడం విశేషం. కాగా, ప్రస్తుతం నాగ చైతన్య ఓ కొత్త ప్రాజెక్ట్‌ని పట్టాలెక్కించాడు. విలక్షణ దర్శకుడు వెంకట్ ప్రభు దర్శకత్వంలో నాగ చైతన్య ఓ సినిమాని ఓకే ఛేశాడు.
ఆ సినిమా తాజాగా పూజా కార్యక్రమాలతో లాంఛనంగా స్టార్ట్ అయ్యింది. త్వరలోనే సెట్స్ మీదికి తీసుకెళ్లనున్నారట. మాస్ర్టో ఇళయరాజా ఆయన తనయుడు యువన్ శంకర్ రాజా కలిసి ఈ సినిమాకి మ్యూజిక్ అందిస్తుండడం విశేషం, కాగా, ఈ సినిమాలో ‘ఉప్పెన’ బ్యూటీ కృతిశెట్టి హీరోయిన్‌గా నటిస్తోంది.

మొన్నీ మధ్యనే నాగ చైతన్య, కృతిశెట్టి జంటగా ‘బంగార్రాజు’ సినిమాలో నటించారు. ఈ సినిమా మంచి విజయమే అందుకుంది. సో, కృతిశెట్టితో చైతూకి ఇది రెండో సినిమా అన్నమాట. కథ, కథనాల పరంగా ఇంతకు ముందెన్నడూ లేని సరికొత్త కథతో ఈ సినిమా తెరకెక్కబోతోందని విశ్వసనీయ వర్గాల ద్వారా అందుతోన్న సమాచారం.

అన్నట్లు కాజల్ అగర్వాల్‌తో ‘లైవ్ టెలికాస్ట్’ అను వెబ్ సిరీస్ తెరకెక్కించిన డైరెక్టరే ఈ వెంకట్ ప్రభు.