జెడ్డా: జెడ్డా సీజన్ (60 రోజుల ఈవెంట్‌లలో) ఈ సంవత్సరం కొత్త రికార్డును సృష్టించింది. ఈ సీజన్‌ను 6 మిలియన్ల మంది సందర్శించారని నిర్వాహకులు తెలిపారు. జెడ్డా సీజన్ మేలో ప్రారంభమై జూలై 2తో ముగిసింది. ఈ సీజన్ ప్రైవేట్ సెక్టార్‌తో భాగస్వామ్యానికి అనేక అవకాశాలను సృష్టించిందన్నారు. అలాగే దుకాణాలు, రెస్టారెంట్‌లు, కేఫ్‌లు, మార్కెట్‌లు, ఇతర సంస్థాగత లేదా లాజిస్టికల్ సేవల్లో సౌదీ యువకులు, మహిళలకు విస్తృత శ్రేణి ఉపాధి అవకాశాలను సృష్టించిందిని నిర్వాహకులు పేర్కొన్నారు. జెడ్డా సీజన్‌లో పాల్గొన్న మొత్తం ఉద్యోగులలో 80 శాతానికి పైగా సౌదీలు ఉన్నారని వారు తెలిపారు.