వెయిట్ లిఫ్టింగ్ పోటీలకు ఆతిథ్యం ఇవ్వనున్న బహ్రెయిన్

- July 04, 2022 , by Maagulf

మనామా: ఆసియా వెయిట్ లిఫ్టింగ్ ఛాంపియన్ షిప్ 2022 పోటీలకు బహ్రెయిన్ ఆతిథ్యం ఇవ్వనుందని ఆసియా వెయిట్ లిఫ్టింగ్ ఫెడరేషన్ (AWF) యొక్క కార్యనిర్వహక మండలి ప్రకటించింది. ఈ పోటీలను మొట్ట మొదటి సారిగా ఆ దేశంలో జరుపుతున్నట్లు సమాచారం.

బహ్రెయిన్ లో వెయిట్ లిఫ్టింగ్ ఛాంపియన్ షిప్ 2022 నిర్వహించడం పై ఆ దేశ వెయిట్ లిఫ్టింగ్ సంస్థ అధ్యక్షుడు ఇషాక్ ఇబ్రహీం ఇషాక్ స్వాగతించారు. అనంతరం మాట్లాడుతూ ఇటువంటి చారిత్రాత్మక కార్యక్రమానికి తమ దేశం ఆతిథ్యం ఇస్తున్నందుకు చాలా సంతోషంగా ఉందని పేర్కొన్నారు. రాబోయే రోజుల్లో మరిన్ని అంతర్జాతీయ స్థాయి పోటీలను సైతం నిర్వహించేందుకు సన్నాహాలు చేస్తున్నామని తెలిపారు.