రియాద్ : అంతర్జాతీయ మార్కెట్ లో ఆయిల్ ధరలు పెరిగిన కారణంగా భారీగా లాభాలు అర్జిస్తున్న దేశాల్లో ప్రముఖ స్థానాన్ని పొందిన సౌదీ అరేబియా మరో ఘనత సాధించే దిశగా అడుగులు వేయడం ప్రారంభించింది. ప్రస్తుతం గల్ఫ్ దేశాల్లో అతి తక్కువ నిరుద్యోగత గల దేశంగా అవతరించింది. 

2008 తర్వాత కాలంలో దేశంలో అతి తక్కువ నిరుద్యోగ రేటును సాధించింది. ప్రస్తుతం ఆ దేశంలో కేవలం 5.1 శాతం మంది మగవారు మరియు 20.2 శాతం మంది ఆడవారు నిరుద్యోగులుగా ఉన్నారు. రానున్న రోజుల్లో ఈ శాతాన్ని సైతం తగ్గించుకోవడానికి చర్యలు వేగవంతం చేసింది. 

సౌదీ అరేబియా లో అధిక శాతం మంది ప్రజలు ఆయిల్ మరియు వాటి ఆధారిత సంస్థల్లో ఎక్కువగా పనిచేస్తున్నారు. మిగిలిన రంగాల్లో పనిచేస్తున్న వారి సంఖ్య రానున్న పెరిగేలా తగిన ఏర్పాట్లు చేస్తున్నారు.