‘కలర్స్’ అనే ప్రోగ్రామ్ ద్వారా బుల్లితెర ప్రేక్షకుల్ని విశేషంగా ఆకట్టుకున్న ముద్దుగుమ్మ స్వాతి. ఆ ప్రోగ్రామ్ పేరే ఆమె ఇంటి పేరుగా ఫేమస్ అయిపోయిందీ అమ్మడు. ఆ తర్వాత అదే పేరుతో, సినిమాల్లోకి తెరంగేట్రం చేసింది. ‘అష్టా చెమ్మా’ సినిమాతో హీరోయిన్‌గా డెబ్యూ చేసింది.
ఆ తర్వాత ‘స్వామి రారా’,‘కార్తికేయ’ తదితర విజయవంతమైన చిత్రాలతో ఆకట్టుకుంది.పెళ్లి చేసుకుని విదేశాల్లో సెటిలైపోయిన కలర్స్ స్వాతి, ఆ తర్వాత సినిమాల్లో కనిపించలేదు.ఈ మధ్యనే మళ్లీ కలర్స్ స్వాతి రీ ఎంట్రీపై ప్రచారం జరుగుతోంది.

అందులో భాగంగా, ‘కార్తికేయ’ సినిమాకి సీక్వెల్‌గా రూపొందుతోన్న ‘కార్తికేయ 2’ సినిమాలో కలర్స్ స్వాతి గెస్ట్ రోల్ పోషిస్తోందని అంటున్నారు. అయితే ఆ విషయంలో అధికారిక ప్రకటన లేదు కానీ, కలర్స్ స్వాతి సెకండ్ ఇన్నింగ్స్ అయితే, కన్‌ఫామ్ అయిపోయింది.

గెస్ట్‌గా కాదు, హీరోయిన్‌గానే కూడా. ‘మంత్ ఆఫ్ మధు’ అనే ఓ ప్రయోగాత్మక చిత్రంతో కలర్స్ స్వాతి సెకండ్ ఇన్నింగ్స్ స్టార్ట్ చేస్తోంది. లేటెస్టుగా ఈ సినిమాకి సంబంధించి ఫస్ట్ లుక్ పోస్టర్ రిలీజైంది. సమ్‌థింగ్ డిఫరెంట్ వేలో కనిపిస్తోంది ఈ ఫస్ట్ లుక్ పోస్టర్.
సో, ఈ డిఫరెంట్ కథా చిత్రంతోనే కలర్స్ స్వాతి సెకండ్ ఇన్నింగ్స్ షురూ అవుతోందన్న మాట. ఈ సినిమాలో నవీన్ చంద్ర హీరోగా నటిస్తున్నాడు.