కన్నడ బ్యూటీ రష్మిక మండన్నా ప్రస్తుతం తెలుగులో స్టార్ హీరోయిన్‌గా వెలుగొందుతున్న సంగతి తెలిసిందే. ‘పుష్ప’ సినిమాతో ప్యాన్ ఇండియా ఇమేజ్ కూడా సొంతం చేసుకుంది శ్రీవల్లిగా రష్మిక మండన్నా. 

అంతేకాదు, ఫ్యాన్స్‌లో రష్మకకున్న క్రేజ్ వేరే లెవల్ కూడా. అందుకే తన సినిమా కోసం ముందుగా రష్మిక మండన్నానే అనుకున్నాడట డైరెక్టర్ లింగుస్వామి. కానీ, అనుకోని కారణాలతో ఆ ప్లేస్‌లోకి కృతిశెట్టి వచ్చి చేరిందట. ఆ రకంగా రష్మిక ఆఫర్ కృతిశెట్టి తన్నుకెళ్లిపోయింది. తాజాగా ఈ విషయాన్ని డైరెక్టర్ లింగుస్వామి వెల్లడించారు.

 ఆయన దర్శకత్వంలో రూపొందుతోన్న సినిమా ‘ది వారియర్’. రామ్ పోతినేని హీరోగా రూపొందుతోన్న యాక్షన్ థ్రిల్లర్ మూవీ ఇది. మరికొద్ది రోజుల్లోనే ప్రేక్షకుల ముందుకు రానుంది ‘ది వారియర్’. ఈ సందర్భంగా ప్రమోషన్ కార్యక్రమాలు వేగవంతం చేశారు. 
అందులో భాగంగానే ఇంతవరకూ విడుదలైన ప్రచార చిత్రాలు సినిమాపై భారీగా అంచనాలు పెంచేశాయ్. ముఖ్యంగా  ‘విజిల్ సాంగ్..’, ‘బుల్లెట్ సాంగ్’లోని రామ్ పోతినేని, హీరోయిన్ కృతిశెట్టి డాన్సులు కుర్రకారుని తెగ హుషారెత్తిస్తున్నాయ్. చూడాలి మరి, రిలీజ్ తర్వాత కూడా ఈ హుషారు ఇలాగే వుంటుందో లేదో.