యూఏఈ: ఈ సంవత్సరంలో అతిపెద్ద సూపర్‌మూన్ జూలై 13న ప్రపంచవ్యాప్తంగా కనిపించనుంది. 2022లో వచ్చే నాలుగు సూపర్‌మూన్‌లలో ఇది భూమికి అత్యంత దగ్గరగా ఉండనుంది. ఇది సాధారణం కంటే పెద్దదిగా.. ప్రకాశవంతంగా కనిపించనుంది. ఇది ఎమిరేట్స్‌లో సాయంత్రం 6.07 గంటల నుండి కనిపిస్తుంది. దీనిని సాధారణ కంటితో చూడవచ్చు. బైనాక్యులర్‌లు లేదా టెలిస్కోప్ ద్వారా మరింత స్పష్టంగా చూడవచ్చు. ఈ సంవత్సరంలో ఇది మూడవ సూపర్‌మూన్. భూమి-చంద్రుడు సగటు దూరం 384,472కిమీతో పోలిస్తే 357,418 కిలోమీటర్ల దూరంలో చంద్రుడు ఉంటాడు. మొదటి సూపర్ మూన్(భూమికి 362,127కిమీ దూరం) మే 16న కనిపించింది.  రెండవది(357,658కిమీ దూరం) జూన్ 14న.. చివరిది ఆగస్టు 12న కన్పించింది. సాధారణ పౌర్ణమి చంద్రుని కంటే 17 శాతం పెద్దదిగా.. 30 శాతం ప్రకాశవంతంగా సూపర్ మూన్ కనిపిస్తుందని ఖగోళ శాస్త్రవేత్తలు తెలిపారు.