మెక్‌ డోనాల్డ్‌ సంస్థ తమ ఔట్‌లెట్స్‌లో ఈ రోజు ఉచితంగా బ్రేక్‌ఫాస్ట్‌ అందిస్తోంది. నేషనల్‌ బ్రేక్‌ ఫాస్ట్‌ డే సందర్భంగా 13 ఏప్రిల్‌ అంటే, బుధవారం ఉదయం 5 గంటల నుంచి 10 గంటల వరకు ఎగ్‌ మెక్‌ ముఫ్ఫిన్స్‌ని ఉచితంగా అందిస్తుంది. మొత్తం వెయ్యి ఎగ్‌ మెక్‌ ముఫ్ఫిన్స్‌ని ఉచితంగా అందిస్తున్నట్లు సంస్థ ప్రకటించింది. యూఏఈ మెక్‌ డోనాల్డ్స్‌ పార్ట్‌నర్‌, మేనేజింగ్‌ డైరెక్టర్‌ రఫిక్‌ ఫాకిహ్‌ మాట్లాడుతూ, బ్యాలెన్స్‌డ్‌ బ్రేక్‌ఫాస్ట్‌ ఉపయోగాలపై అవగాహన కల్పించడం ఈ ఆఫర్‌ వెనుక ఉద్దేశ్యమని అన్నారు. తమ సంస్థ నేషనల్‌ బ్రేక్‌ ఫాస్ట్‌ డే సెలబ్రేషన్స్‌లో పాల్గొనడం ఆనందంగా ఉందని, వరుసగా నాలుగేళ్ళు ఈ కార్యక్రమంలో భాగమయ్యామని ఆయన అన్నారు. రాత్రంతా ఏమీ తినకుండా ఉండడం వల్ల ఉదయాన్నే బ్రేక్‌ ఫాస్ట్‌ తీసుకోవడం ప్రతి ఒక్కరికీ ఎంతో అవసరమని ఆయన చెప్పారు. కొంతమంది బ్రేక్‌ ఫాస్ట్‌ని లైట్‌ తీసుకుంటారనీ, అది అనారోగ్య సమస్యలకు కారణమవుతుందని ఆయన చెప్పారు. మెక్‌ డోనాల్డ్స్‌ బ్యాలెన్స్‌డ్‌ బ్రేక్‌ ఫాస్ట్‌ విషయంలో పలు ప్రోడక్ట్స్‌ని వినియోగదారులకు అందిస్తోందని రఫిక్‌ వివరించారు.