గోవా బ్యూటీ ఇలియానా మళ్లీ ప్రేమలో పడిందా.? అంటే అవుననే సంకేతాలే వినవస్తున్నాయ్. అవునా.? ఈ సారి ఇలియానా ఎవరి ప్రేమలో పడిందబ్బా.! అనుకుంటున్నారా.? అయితే అర్జెంటుగా ఆ వివరాల్లోకి వెళ్లిపోదాం పదండిక. 

బాలీవుడ్ స్టార్ హీరోయిన్ క్రతినా కైఫ్ సోదరుడు సెబాస్టియన్‌తో ఇలియానా పీకల్లోతు ప్రేమలో వుందట. డేటింగ్ కూడా షురూ చేసిందట ఈ సెబాస్టియన్ తో.
ఈ విషయం ఎలా తెలిసిందంటారా.? రీసెంట్‌గా క్రతినా కైఫ్ తన బర్త్‌డే వేడుకల్ని మాల్దీవుల్లో సెలబ్రేట్ చేసుకుంది తన కుటుంబ సభ్యుల మధ్యనే. ఆ కుటుంబ సభ్యుల్లో ఇలియానా కూడా వుండడంతో ఈ విషయం తేట తెల్లమైంది.

తన బర్త్‌డే సెలబ్రేషన్స్ ఫోటోలను కత్రినా కైఫ్ సోషల్ మీడియాలో పోస్ట్ చేసింది. ఆ ఫోటోస్‌లో కత్రినా తన హజ్బెండ్‌తో పాటు, తన సోదరుడు సెబాస్టియన్ కూడా వున్నాడు. ఆ సోదరుడి పక్కనే చెట్టాపట్టాలేసుకుని కనిపించింది గోవా బ్యూటీ ఇలియానా.

దాంతో నెటిజన్ల ఆరాకు చిక్కిన విషయమేంటంటే, బెల్లీ భామ మళ్లీ ప్రేమలో పడిందని. పడితే పడింది. ఈ సారైనా పెళ్లి చేసుకుంటుందా.? అంటూ నెటిజన్లు ట్రోల్ చేస్తున్నారు. గతంలో ఆండ్రూ అనే ఫోటోగ్రాఫర్‌తో ఇల్లూ బేబీ ప్రేమాయణం గురించి అందరికీ తెలిసిందే.