ఖతార్: FIFA ప్రపంచ కప్‌కు ముందు ఆన్‌లైన్ స్కామ్‌లు పెరిగే అవకాశం ఉందని దుబాయ్‌కి చెందిన సైబర్‌ సెక్యూరిటీ నిపుణుడు హెచ్చరించాడు. అధికారికంగా కనిపించే నకిలీ, మోసపూరిత వెబ్‌సైట్‌లు, ఇమెయిల్‌ల పట్ల ప్రజలు జాగ్రత్త వహించాలని సైబర్‌ సెక్యూరిటీ సంస్థ నెట్‌స్‌కౌట్‌లోని సిస్టమ్స్ ఇంజినీరింగ్ మేనేజర్ మిడిల్ ఈస్ట్ ఎమాద్ ఫాహ్మీ సూచించారు.  సైబర్ నేరగాళ్లు నవంబర్ 21న ప్రారంభమయ్యే FIFA వరల్డ్ కప్ వంటి మెగా ఈవెంట్‌ సందర్భంగా మోసాలకు పాల్పడే అవకాశం ఉందన్ని తెలిపారు. అనధికార సర్వీస్ ప్రొవైడర్లను ఉపయోగించడం వల్ల ఆధారాలు, పాస్‌వర్డ్‌లు, క్రెడిట్ కార్డ్ సమాచారం దొంగలకు తెలుస్తుందని ఫాహ్మీ హెచ్చరించారు.