యూఏఈ: ప్రముఖ బీమా, ఆర్థిక ఉత్పత్తుల మార్కెట్ ప్లేస్ Policybazaar.ae ప్రకారం.. UAE నివాసితులలో ప్రయాణ బీమా కోసం డిమాండ్ మొదటి త్రైమాసికంతో పోలిస్తే ఈ సంవత్సరం రెండవ త్రైమాసికంలో 150 శాతం పెరిగింది. అనేక దేశాలు బీమాను తప్పనిసరి చేయడం, కొవిడ్ మహమ్మారి భయం, వివిధ విమానాశ్రయాలలో సిబ్బంది కొరత కారణంగా సామాను కోల్పోవడం వంటివి ప్రయాణ పాలసీకి డిమాండ్ పెరగడానికి కొన్ని కారణాలని Policybazaar.ae CEO నీరజ్ గుప్తా తెలిపారు. యూఎస్ఏ, స్కెంజెన్ దేశాలు, ఇండోనేషియా, యూకే వంటి అగ్రశ్రేణి పర్యాటక ప్రాంతాల నుండి కంపెనీకి డిమాండ్ పెరిగిందన్నారు. ట్రావెల్ ఇన్సూరెన్స్ తప్పనిసరి కాని దేశాలకు వెళ్లే వారు కూడా కోవిడ్-19కి సంబంధించిన భయాల కారణంగా బీమా కొనుగోలు చేయడానికి మొగ్గు చూపుతున్నారని తెలిపారు.