వీసా ఖర్చుల కింద యజమానికి ఎలాంటి చెల్లింపులూ చేయనక్కర్లేదు. చెల్లించాల్సిందిగా ఎలాంటి చట్టమూ పేర్కొనడంలేదు. దీనికి సంబంధించి ప్రముఖ న్యాయవాదులు స్పష్టతనిస్తున్నారు. కొన్ని ప్రత్యేకమైన పరిస్థితుల్లో తప్ప, యజమాని ఉద్యోగి నుంచి డబ్బుల్ని తిరిగి డిమాండ్‌ చేయడానికి ఏ రూపంలో అయినాసరే అవకాశం లేదు. ఆ ప్రత్యేక పరిస్థితులు ఇవీ... 
- లోన్‌ రీపేమెంట్‌ లేదా మనీ అడ్వాన్సుల విషయంలో యజమానికి డిడక్షన్‌ అవకాశం ఉంది. అయితే అది వర్కర్‌ జీతంలో 10 శాతం మాత్రమే ఉండాలి. 
- జీతాల్లోంచి చట్ట ప్రకారం సోషల్‌ సెక్యూరిటీ, ఇన్స్యూరెన్స్‌ స్కీమ్స్‌కి సంబంధించిన విషయాల్లో. 
- ప్రావిడెంట్‌ ఫండ్‌ లేదా లోన్‌ రీపేమెంట్‌ డ్యూస్‌ ఉన్నప్పుడు. 
- లేబర్‌ డిపార్ట్‌మెంట్‌ అంగీకారంతో యజమాని ఏర్పాటు చేసే ప్రివిలేజెస్‌ లేదా సర్వీసుల విషయంలో. 
- నిబంధనల్ని అతిక్రమించిన సందర్భంలో వర్కర్‌పై జరీమానా విధించినప్పుడు. 
- కోర్ట్‌ రూలింగ్‌ ఇచ్చిన సందర్భంలో: వర్కర్‌ జీతంలో పావు వంతు మాత్రమే డిడక్షన్‌కి అవకాశం ఉంది.