‘ఉప్పెన’ సినిమాతో డైరెక్టర్‌గా పరిచయమయ్యాడు, బుచ్చిబాబు సన. సుకుమార్ శిష్యుడిగా ఇండస్ట్రీకి పరిచయమయ్యాడీ టాలెంటెడ్ డైరెక్టర్. తొలి సినిమా అయినా ‘ఉప్పెన’ ఏ రేంజ్ హిట్ అందుకుందో ప్రత్యేకంగా చెప్పక్కర్లేదు. 

ఆ స్థాయి హిట్ ఇచ్చినా తదుపరి సినిమా ఇంతవరకూ అనౌన్స్ చేయలేదు బుచ్చిబాబు. అందుకు ఓ పెద్ద కారణమే వుందట. ఎన్టీయార్‌తో తన రెండవ సినిమా డైరెక్ట్ చేయాలన్నదే బుచ్చిబాబు నిర్ణయమట. ఆల్రెడీ ఎన్టీయార్‌కి కథ కూడా నెరేట్ చేశాడట. అయితే, ఈ ప్రాజెక్టు అఫీషియల్‌గా అనౌన్స్ చేయలేదింతవరకూ. ఎన్టీయార్ ఇప్పటికే స్టార్ డైరెక్టర్లతో ప్రాజెక్టులు సెట్ చేసి పెట్టుకున్నాడు. అందులో ఒకటి కొరటాల సినిమా కాగా, ఆ తర్వాత ‘కేజీఎఫ్’ డైరెక్టర్ ప్రశాంత్ నీల్‌తో ఓ సినిమా చేయాల్సి వుంది. ఈ రెండు సినిమాలూ పూర్తియితే కానీ, బుచ్చిబాబు సినిమా పట్టాలెక్కడానికి లేదు. 

అయితే, ఈ లోపు బుచ్చిబాబు తన టాలెంట్‌ని గురువు గారు సుకుమార్ కోసం వినియోగిస్తున్నాడట. సుకుమార్ తెరకెక్కించబోయే ‘పుష్ప 2’కి రైటర్‌గా తన బాధ్యతలు నిర్వహిస్తున్నాడట. ఆల్రెడీ సుకుమార్‌తో కలిసి ‘నాన్నకు ప్రేమతో’, ‘రంగస్థలం’ వంటి సూపర్ హిట్ సినిమాలకు బుచ్చిబాబు పని చేశారు.