కువైట్: కమర్షియల్ కాంప్లెక్స్‌లో గొడవ పడిన పలువురిని అంతర్గత వ్యవహారాల మంత్రిత్వ శాఖ అధికారులు అరెస్ట్ చేశారు. జనరల్ డిపార్ట్‌మెంట్ ఆఫ్ పబ్లిక్ రిలేషన్స్ అండ్ సెక్యూరిటీ ప్రకారం.. అహ్మదీ సెక్యూరిటీ అధికారులు ఆ ప్రాంతంలోని ఒక మాల్ లో జరిగిన గొడవకు సంబంధించి వీడియో క్లిప్‌ సోషల్ మీడియాలో వైరల్ అయింది. దీంతో రంగంలోకి దిగిన పోలీసులు వీడియో ఉన్న వ్యక్తులను గుర్తించి వారిలో పలువురిని అరెస్టు చేశారు. అరెస్టు చేసిన వారిని జువైనల్ డిపార్ట్‌మెంట్‌కు రెఫర్ చేసినట్లు.. వారిపై చట్టపరమైన చర్యలు తీసుకుంటున్నట్లు అధికారులు తెలిపారు.