దోహా: ఆగస్టు నెల కోసం ఇంధన ధరలను ఖతార్ ఎనర్జీ ప్రకటించింది. ఇంధనం, పరిశ్రమల మంత్రిత్వ శాఖ అంతర్జాతీయ మార్కెట్‌కు అనుగుణంగా ఇంధన ధరలను సవరిస్తోంది. సెప్టెంబర్ 2017 నుండి నెలవారీ ధరల జాబితాను ఖతార్ ఎనర్జీ ప్రకటిస్తూ వస్తోంది. తాజా అప్డేట్ ప్రకారం.. ప్రీమియం పెట్రోల్ ధర(QR1.90)లో మార్పులు లేవు.  అలాగే సూపర్ గ్రేడ్ పెట్రోల్, డీజిల్ ధరలు కూడా మారలేదు. సూపర్ గ్రేడ్ పెట్రోల్ QR 2.10, డీజిల్ ధర QR 2.05 ఉన్నాయి. నవంబర్ 2021 నుంచి మార్పుల్లేని ప్రీమియం పెట్రోల్ ధరను జూన్‌, జూలైలలో 5 దిర్హామ్‌లు తగ్గించిన విషయం తెలిసిందే.