రియాద్: మానవ వనరులు, సామాజిక అభివృద్ధి మంత్రిత్వ శాఖ (MHRSD) 11 కార్మికుల హక్కులను వెల్లడించింది. వీటిని యజమానులు ఉల్లంఘించినట్లయితే అక్రమ రవాణాలో భాగంగా పరిగణించబడుతుందని హెచ్చరించింది. ప్రతి కార్మికుడు తన అధికారిక పత్రాలను కలిగి ఉండాలని పేర్కొంది. అలాగే పని  ఒప్పందం కాపీని కార్మికుడికి చదివే హక్కు ఉందని తెలిపింది. కార్మికుడు తన అధికారిక పత్రాలను పునరుద్ధరించడానికి ఆర్థిక రుసుములను వసూలు చేయకూడదని స్పష్టం చేసింది. దీంతోపాటు కార్మికుడు తన యజమానికి కాకుండా మరొకరికి పని చేయడానికి నిరాకరించే హక్కును కలిగి ఉంటాడని తెలిపింది. వీటితోపాటు  ప్రయాణ టిక్కెట్ల విలువ, ఫైనల్ ఎగ్జిట్..  అలాగే సేవల బదిలీని పొందే హక్కు కార్మికుడికి ఉంటుందని పేర్కొంది. అవసరమైన జాగ్రత్తలు తీసుకోకుండా ఎండలో లేదా చెడు వాతావరణ పరిస్థితుల్లో పని చేయడానికి నిరాకరించే హక్కు కూడా కార్మికుల హక్కులలో ఉందని  MHRSD  తెలిపింది.