కువైట్: విదేశాలకు ఎగుమతి చేయడానికి ప్రయత్నిస్తున్న సబ్సిడీ ఆహార పదార్థాలను కువైట్ కస్టమ్స్ స్వాధీనం చేసుకుంది. అవుట్‌గోయింగ్ షిప్‌మెంట్‌ల తనిఖీలో భాగంగా నిషేధించబడిన సబ్సిడీ ఆహార పదార్థాలను గుర్తించిన కువైట్ కస్టమ్స్ అధికారులు వాటిని స్వాధీనం చేసుకున్నారు. దీనికి సంబంధించి అవసరమైన చర్యలు తీసుకోవాలని వాణిజ్య మంత్రిత్వ శాఖ - సరఫరా శాఖకు నివేదిక తయారు చేసి అందజేయడం జరిగిందని అధికారులు తెలిపారు. ఎవరైనా నిషేధిత వస్తువులను కువైట్ నుంచి అక్రమంగా తరలించేందుకు ప్రయత్నిస్తే వారిపై కఠిన చర్యలు తీసుకుంటామని కస్టమ్స్ విభాగం హెచ్చరించింది.