ఉదయభాను.. ఈ పేరు బుల్లితెర ప్రేక్షకులకు అత్యంత సుపరిచితం. ఒకప్పుడు బుల్లితెరను ఏక ఛత్రాధిపత్యంగా ఏలిన రాణి ఉదయ భాను.పెద్ద తెరపైనా ఓ మోస్తరు హీరోయిన్‌గా తనదైన ముద్ర వేసుకుంది అందాల భామ ఉదయ భాను.
ఆ తర్వాత ప్రేమ, పెళ్లి.. లాంటి వివాదాలతోనూ ఉదయ భాను కొన్నాళ్లు సావాసం చేసింది. ఎట్టకేలకు పెళ్లి చేసుకుని, ఇద్దరు కవల ఆడపిల్లలకు జన్మనిచ్చి లైప్‌లో సెటిలైపోయింది. 
ఈ మధ్యనే మళ్లీ బుల్లితెరపై ఒకటీ అరా షోలతో మళ్లీ ముఖానికి రంగు వేసుకుంది. అయితే, మునుపటి క్రేజ్ ఇప్పుడు ఉదయ భాను దక్కించుకోలేకపోతోంది. అందుకే ఆ క్రేజ్ మళ్లీ దక్కించుకునే ప్రయత్నం చేస్తున్నట్లుంది ఉదయ భాను.
బుల్లితెరపై క్రేజీ గేమ్ షో అయిన బిగ్‌బాస్ షోలో ఉదయ భాను సందడి చేయబోతోందనే ప్రచారం గత కొన్నేళ్లుగా నడుస్తోంది. కానీ, అది జరగలేదింతవరకూ. ఈ సారి ఆ ప్రచారం నిజమయ్యేలా వుంది. ఆరో సీజన్ బిగ్‌బాస్‌కి ఉదయ భాను మెయిన్ అట్రాక్షన్ కానుందంటూ సరికొత్త ప్రచారం తెరపైకి వచ్చింది.
గతంలోనూ ఆఫర్ వచ్చినా సింపుల్‌గా నో చెప్పిన ఉదయ భాను ఈ సారి ఓకే చెప్పిందని సమాచారం. బహుశా హేమ, కళ్యాణి, ప్రియ తదితర సీనియర్ నటీమణుల ప్లేస్‌ని ఉదయ భానుతో రీప్లేస్ చేయబోతున్నారేమో బిగ్‌బాస్ నిర్వహకులు చూడాలి మరి.