సౌదీ: తబుక్ నగరంలో ఒంటెల రేసులో ఒంటె వెనుక నుండి పడిపోయి దాని పగ్గాలలో చిక్కుకున్న చిన్నారి ప్రాణాలను సౌదీ వ్యక్తి మహ్మద్ అల్ బలావి పెద్ద సహసం చేసి రక్షించాడు. ఈ ఘటనకు సంబంభించిన వీడియో సోషల్ మీడియాలో వైరల్ అవుతోంది. ఆ వీడియోలో పిల్లవాడు ఒంటె వెనుక నుండి పడిపోయాడు. కానీ అతను ఒంటె పగ్గాలలో చిక్కుకుపోయాడు. దీంతో అతన్ని రక్షించేందుకు అల్ బలావి తన కారు నుండి దూకి ఒంటె పగ్గాలలో చిక్కుకున్న బాలుడిని పట్టుకుని రక్షించాడు. అనంతరం అల్ బలావి మాట్లాడుతూ.. రేస్ ప్రారంభమైనప్పుడు  మిషారీ అల్ వాబిసి స్వారీ చేస్తున్న ఒంటెకు జోడించిన హాల్టర్ కదలడం గుర్తించినట్లు తెలిపారు. ఈ క్రమంలో ఒంటె వేగాన్ని తగ్గించి, హాల్టర్‌ను సరిచేసేందుకు యత్నించినా అది సాధ్యం కాలేదన్నాడు. ఆ సమయంలో చిన్నారిని రక్షించడానికి వెంటనే కారు నుంచి దూకేసినట్లు వివరించాడు.