మస్కట్: పర్వతాలలోకి వెళ్లి గల్లంతయిన ఆరుగురు వ్యక్తులను పోలీస్ ఏవియేషన్ రక్షించింది. నిజ్వా రాష్ట్రంలోని తనూఫ్ ప్రాంతంలోని పర్వతాలలో ఒకదానిలో నిన్న సాయంత్రం  ఆరుగురు వ్యక్తుల అదృశ్యం అయ్యారు. సమచారం అందుకున్న పోలీసు ఏవియేషన్ రెస్క్యూ బృందాలు సెర్చ్ ఆపరేషన్ చేపట్టాయి. గల్లంతయిన ఆరుగురు వ్యక్తులను  రెస్క్యూ బృందాలు గుర్తించి కాపాడాయని, ప్రస్తుతం వారు పూర్తి ఆరోగ్యంతో ఉన్నారని పోలీస్ ఏవియేషన్ తెలిపింది.