ముంబై: ముంబైకి ఉగ్రవాదుల బెదిరింపులు పెరిగిపోతున్నాయి. గతంలో ప్రముఖ సంస్థలు, వ్యక్తులకు బెదిరింపు కాల్స్ వచ్చిన విషయం తెలిసిందే. తాజాగా ముంబైలోని ఓ ప్రముఖ ఫైవ్ స్టార్ హోటల్ కు బాంబు బెదిరింపు కాల్ వచ్చింది. ఫైవ్ స్టార్ హోటల్ లో నాలుగు చోట్ల బాంబులు అమర్చామని సోమవారం బెదిరింపు కాల్ చేశారు.

బాంబులను నిర్వీర్యం చేసేందుకు రూ.5 కోట్లు ఇవ్వాలని డిమాండ్ చేశారు. డబ్బులు ఇవ్వకపోతే బాంబులు పేల్చేస్తామని బెదిరించారు. అయితే సెక్యూరిటీ చెకింగ్ జరిగిన తర్వాత ఆ బెదిరింపు కాల్ ఉత్తదేనని పోలీసులు స్పష్టం చేశారు. ముంబై పోలీసులు కేసు నమోదు చేసుకుని, దర్యాప్తు చేపట్టారు.