సీనియర్ హీరోయిన్ లేడీ సూపర్ స్టార్‌గా పేరు తెచ్చుకున్న విజయ శాంతి మరోసారి ముఖానికి రంగు వేసుకోనున్నారట. గత 14 ఏళ్లుగా సినిమాలకు దూరంగా వున్న విజయ శాంతి, ‘సరిలేరు నీకెవ్వరు’ సినిమాతో రీ ఎంట్రీ ఇచ్చిన సంగతి తెలిసిందే.
ఈ సినిమా సూపర్ డూపర్ హిట్ అందుకుంది. విజయ శాంతి పవర్ ఫుల్ రోల్ ఈ సినిమాకి అదనపు అస్సెట్ అయిన సంగతి ప్రత్యేకంగా చెప్పక్కర్లేదు. ఇప్పుడు రాములమ్మని మరో సినిమా కోసం తీసుకురాబోతున్నారట. ఈ సారి యంగ్ టైగర్ ఎన్టీయార్ సినిమా కోసమనీ తెలుస్తోంది.
‘ఆర్ఆర్ఆర్’ వంటి భారీ సినిమా తర్వాత యంగ్ టైగర్ ఎన్టీయార్ నటిస్తున్న చిత్రం కొరటాల శివ దర్శకత్వంలో రూపొందబోతోంది. ఎన్టీయార్ ఆర్ట్స్ బ్యానర్‌తో కలిసి యువ సుధా ఆర్ట్స్ బ్యానర్‌లో ఈ సినిమాని ప్రతిష్టాత్మకంగా నిర్మిస్తున్నారు. 
కాగా, ఎన్టీయార్ బర్త్‌డే సందర్భంగా డైలాగ్ మోషనల్ పోస్టర్ తప్ప ఈ సినిమాకి సంబంధించి ఇంతవరకూ ఎలాంటి అప్‌డేట్ రాలేదు. కానీ, విజయ శాంతి ఓ పవర్ ఫుల్ పాత్రలో నటించబోతోందంటూ తాజాగా ఓ అప్‌డేట్ హల్‌చల్ చేస్తోంది. అయితే, ఇది అఫీషియల్ ప్రకటన కాదు. జస్ట్ గాసిప్ అంతే. 
మరి, నిజంగానే ఎన్టీయార్ సినిమాలో విజయ శాంతి నటిస్తుందా.? ఒకవేళ నటిస్తే సినిమాకి అదనపు ఆకర్షణ అవుతుందనేది అతిశయోక్తి కాదు. ఈ గాసిప్ నిజమో కాదో తెలియాలంటే, రాములమ్మ కానీ, ఎన్టీయార్ కానీ రెస్పాండ్ అవ్వాల్సిన అవసరం వుంది.
ఇదిలా వుంటే, మరోవైపు ఎన్టీయార్, కొరటాల శివను తాత్కాలికంగా పక్కన పెట్టాడన్న వార్తలు కూడా గట్టిగానే వినిపిస్తున్నాయ్. ఏం జరుగుతుందో చూడాలి మరి.