దమ్మం: 16 ఏళ్ల బాలుడిని లైంగికంగా వేధించినందుకు 30 ఏళ్ల వ్యక్తికి అల్-ఖోబర్ క్రిమినల్ కోర్టు 5 సంవత్సరాల జైలు శిక్ష విధించింది. బాధిత బాలుడు తనకు తెలియదని, తనపై తప్పుడు ఆరోపణలు చేశారని నిందితుడు చెసిన వాదనలను కోర్టు తోసిపుచ్చింది. లా ఆఫ్ ఎవిడెన్స్ ప్రకారం.. బాధితుడిపై వేధింపులకు పాల్పడుతున్న సీసీటీవీ ఫుటేజీని పోలీసులు కోర్టుకు సమర్పించారు. డిజిటల్ సాక్ష్యంగా కోర్టు వీటిని పరిగణనలోకి తీసుకుంది. వేధింపుల నిరోధక చట్టం ప్రకారం.. నిందితుడికి 5 ఏళ్ల జైలు శిక్షను కోర్టు విధించింది. దీంతోపాటు నిందితుడు తన స్వంత ఖర్చుతో రెండు స్థానిక వార్తాపత్రికలలో తీర్పును ప్రచురించాలని కోర్టు ఆదేశించింది.