యూఏఈ: వేసవి జల్లులు యూఏఈని పలకరించాయి. ఎమిరేట్ లోని  పలు ప్రాంతాల్లో బుధవారం సాయంత్రం వర్షాలు కురిశాయి. అల్ ఫోహ్‌లో మోస్తరు నుండి భారీ వర్షాలు కురిసినట్లు జాతీయ వాతావరణ కేంద్రం (NCM) తెలిపింది. అయితే అల్ ఐన్‌లోని ఖత్మ్ అల్ షిక్లా, అల్ రీఫ్‌లో చిరుజల్లులు పడ్డాయని పేర్కొంది. వర్షాలకు సంబంధించిన అనేక వీడియోలను వాతావరణ కేంద్రం తన సోషల్ మీడియా హ్యాండిల్ లో షేర్ చేసింది. వర్షాల కారణంగా ఉష్ణోగ్రతల్లో స్వల్ప తగ్గుదల చోటుచేసుకుంది. ఔటైద్ (అల్ దఫ్రా ప్రాంతం) లో 45.6°C నమోదైంది. వర్షాలు కురిసే సమయాల్లో రోడ్లపై డ్రైవింగ్ చేసేటప్పుడు అప్రమత్తంగా ఉండాలని వాహనదారులను NCM హెచ్చరించింది.