బిగ్‌బాస్ తెలుగు సీజన్ 6 బుల్లితెరపై గత నాలుగు రోజులుగా సక్సెస్ ఫుల్‌గా సాగుతోంది. ఫస్ట్ డేనే గలాటీ గీతూతో హౌస్‌లో రచ్చ చేయించాడు బిగ్‌బాస్. ఎప్పుడూ ఫస్ట్ డేనే నామినేషన్ల పర్వం పెట్టే బిగ్‌బాస్, ఈ సారి రెండో రోజుకి ఆ ఘట్టాన్ని మార్చాడు. 
ముగ్గురు కంటెస్టెంట్లను గేమ్ పేరు చెప్పి డైరెక్ట్‌గా నామినేట్ చేశాడు బిగ్‌బాస్. మరో నలుగురు కంటెస్టెంట్లు నామినేషన్ ఎపిసోడ్ ద్వారా ఎలిమినేషన్ కోసం నామినేట్ అయ్యారు. మొత్తానిక ఏడుగురు కంటెస్టెంట్లు హౌస్ నుంచి బయటికి వచ్చేందుకు పోటీ పడుతున్నారు. 
కాగా, హౌస్ విషయానికి వస్తే, సింగర్ రేవంత్‌పై కాస్త ఎక్కువ నెగిటివిటీ కనిపిస్తోంది హౌస్‌లో. మెజార్టీ కంటెస్టెంట్లతో సింగర్ రేవంత్ టార్గెట్ అవుతున్నాడనిపిస్తోంది. తాజాగా అరోహి రావుకీ, సింగర్ రేవంత్‌కీ మధ్య ఓ గేమ్ కారణంగా గొడవ మొదలైంది.
ఆ గొడవ చిలికి చిలికి గాలి వానలా మారడంతో, తాను హౌస్‌లో వుండలేననీ ఎలాగైనా హౌస్ నుంచి బయటికి పంపించేయాలంటూ రేవంత్, బిగ్‌బాస్‌ని కోరాడు. నాటకాలు ఆడడం నాకు రాదు.. నేను ఎలా వున్నానో అలాగే వుంటాను. లేదంటే, హౌస్ నుంచి బయటికి పోతా.. అంటూ రేవంత్ కాస్త సీరియస్ అయ్యాడు.