దోహా: ఖతార్‌లోకి అక్రమంగా రవాణా చేస్తున్న 4,000 కిలోల నిషేధిత పొగాకును సముద్ర కస్టమ్స్ విభాగం అధికారులు స్వాధీనం చేసుకున్నారు. ఎరువుల సంచులలో పొగాకును దాచిన ఫోటోలను సోషల్ మీడియాలో అకౌంట్లో కస్టమ్స్ విభాగం షేర్ చేసింది. స్వాధీనం చేసుకున్న నిషేధిత పదార్ధం మొత్తం బరువు 4,639 కిలోగ్రాములు ఉంటుందని అధికారులు తెలిపారు. ఇటీవలే కారు ఛార్జర్‌తో కూడిన పార్శిల్‌లో 169 క్యాప్టాగన్ మాత్రలు, 41 లిరికా మాత్రల స్మగ్లింగ్ ను కస్టమ్స్ విభాగం అడ్డుకున్న సంగతి తెలిసిందే.