యంగ్ హీరో శ్రీ విష్ణు ప్రధాన పాత్రలో ‘అల్లూరి’ అను సినిమా తెరకెక్కుతోన్న సంగతి తెలిసిందే. లెజెండ్ అల్లూరి సీతారామరాజు జయంతి సందర్భంగా ఈ సినిమా టీజర్ రిలీజ్ చేసి, ఆడియన్స్ అటెన్షన్ గెయిన్ చేశాడు శ్రీ విష్ణు. 
ఫస్ట్ రెస్పాన్స్‌తోనే పాజిటివిటీ దక్కించుకున్న శ్రీ విష్ణు, ఈ సినిమాపై అంచనాలు క్రియేట్ చేశాడు. పోలీసాఫీసర్ పాత్రలో పవర్ ఫుల్ ఆంబియన్స్ ఇస్తున్న ఈ సినిమా, శ్రీ విష్ణు కెరీర్‌లో మరో మంచి సినిమా అవుతుందనడం అతిశయోక్తి కాదేమో అనిపించేలా ఆడియన్స్‌లో అభిప్రాయాలు క్రియేట్ చేశాడు.
త్వరలో ఈ సినిమా రిలీజ్ కానున్న సందర్భంగా, సినిమా ప్రీ రిలీజ్ ఫంక్షన్‌ని ఘనంగా నిర్వహించారు చిత్ర యూనిట్. ఈ ఈవెంట్‌కి అల్లు అర్జున్ స్పెషల్ గెస్ట్‌గా విచ్చేశాడు. శ్రీ విష్ణు తనకు మంచి స్నేహితుడు అనీ, ఆయన సినిమాలను తాను గమనిస్తూ వుంటాననీ, ఈ సినిమా ఆయనకు మంచి విజయం అందించాలని ఈ సందర్భంగా బన్నీ కోరుకున్నాడు.
బాగానే వుంది. కానీ, ఈ సినిమాకి తాను ప్రమోషన్ చేసుకోలేకపోతున్నాననీ, అందుకే మీరు మా సినిమా ఫంక్షన్‌కి వస్తే, యూజ్ అవుతుందనీ శ్రీ విష్ణు, బన్నీని అడగడంతో, ‘పుష్ప 2’తో బిజీగా వున్నా, ఈ ఫంక్షన్‌కి వచ్చానని బన్నీ చెప్పడం.. కొందరికి అస్సలు నచ్చడం లేదు. 
ఈ మాటలు బన్నీ కాకుండా, శ్రీ విష్ణు కానీ, సినిమా డైరెక్టర్ కానీ చెప్పి వుండి వుంటే, బాగుండేదనీ, తన గొప్పల డప్పులు తానే చెప్పుకుని బన్నీ దొరికేశాడంటూ నెటిజన్లు ట్రోల్ చేస్తున్నారు.