లండన్: యునైటెడ్ కింగ్‌డమ్‌ నుంచి హిస్ మెజెస్టి సుల్తాన్ హైథమ్ బిన్ తారిక్ బయలుదేరారు. తన పర్యటనలో భాగంగా క్వీన్ ఎలిజబెత్ II మరణం పట్ల సంతాపాన్ని తెలియజేసారు. దాంతోపాటు ఎలిజబెత్ మరణం తర్వాత యునైటెడ్ కింగ్‌డమ్ ఆఫ్ గ్రేట్ బ్రిటన్, నార్తర్న్ ఐర్లాండ్ కింగ్, కామన్వెల్త్ అధిపతిగా బాధ్యతలు చేపట్టిన కింగ్ చార్లెస్ IIIని అభినందించారు. దివాన్ ఆఫ్ రాయల్ కోర్ట్ మంత్రి సయ్యద్ ఖలీద్ హిలాల్ అల్ బుసైదీ, విదేశాంగ మంత్రి సయ్యద్ బదర్ హమద్ అల్ బుసాయిదీలు ఈ పర్యటనలో సుల్తాన్‌తో ఉన్నారు.