కువైట్: ప్రపంచవ్యాప్తంగా కరోనావైరస్ కేసులు పెరుగుతున్నా.. కువైట్ లో మాత్రం కరోనా కేసులు క్రమంగా తగ్గుముఖం పట్టాయని ఆరోగ్య మంత్రిత్వ శాఖ వెల్లడించింది. దేశంలో ఎపిడెమియోలాజికల్ పరిస్థితిలో నిరంతర మెరుగుదల నమోదు అవుతుందని పేర్కొంది. కోవిడ్ 19 కేసుల కోసం ఏర్పాటు చేసిన ఇంటెన్సివ్ కేర్ యూనిట్లలో సెప్టెంబర్ 9 నుండి కొత్త రోగులు చేరలేదని, ఆగస్టు 13 నుండి వైరస్ కారణంగా మరణాలు నమోదు కాలేదని తెలిపింది. అలాగే ఇన్ఫెక్షన్ కేసులు కూడా ఆగస్టు 17 నుండి రోజుకు 100 మించకుండా నమోదయినట్లు వెల్లడించింది. యాక్టివ్‌ కేసుల్లో తగ్గుదల కొనసాగుతుందని, ప్రస్తుతం 350 కంటే తక్కువగా యాక్టివ్ కేసుల ఉన్నాయన్నారు.