‘గాడ్ ఫాదర్’ కోసం ‘ఐటెమ్’ రెడీ.! ప్రూఫ్ ఇదిగో.!

- September 27, 2022 , by Maagulf
‘గాడ్ ఫాదర్’ కోసం ‘ఐటెమ్’ రెడీ.! ప్రూఫ్ ఇదిగో.!

మెగాస్టార్ చిరంజీవి హీరోగా 154వ చిత్రంగా రూపొందుతోన్న ‘గాడ్ ఫాదర్’ సినిమాకి ఒరిజినల్‌తో సంబంధం లేకుండా తెలుగు నేటివిటీ కోసం అద్దాల్సిన అన్ని హంగులూ అద్ధేశారని తెలుస్తోంది.
ఇటీవలే ‘తార్ మార్ టక్కర్ మార్..’ అంటూ ఓ సాంగ్ రిలీజ్ చేశారు. ఈ సాంగ్‌లో చిరుతో కలిసి, సల్మాన్ ఖాన్ సైతం సింపుల్ అండ్ మాస్ స్టెప్పులేస్తూ ఇటు చిరు అభిమానులకీ, అటు సల్మాన్ అభిమానులకీ విజువల్ ట్రీట్ ఇవ్వనున్నారన్న హింట్ లీక్ చేశారు.
ఇక ఇప్పుడు ఈ సినిమాకి మరో అదనపు ఆకర్షణ అద్దినట్టు తెలుస్తోంది. సీరియస్ పొలిటికల్ డ్రామాగా రూపొందుతోన్న ‘గాడ్ ఫాదర్’ సినిమాలో ఓ స్పెషల్ ఐటెమ్ సాంగ్‌ని ఇరికించారట. ఈ ఐటెం సాంగ్‌లో వారినా హుస్సేన్ అను ఐటెమ్ భామ హాట్ స్టెప్పులతో అలరించనుంది.
ఇటీవల రిలీజై హిట్ అయిన ‘బింబిసార’ సినిమాలో స్పెషల్ సాంగ్ చేసింది ఈ ముద్దుగుమ్మ వారినా హుస్సేన్. ఇప్పుడు చిరుతో కలిసి ‘గాడ్ ఫాదర్’ కోసం మరోసారి ఐటెమ్ అవతారమెత్తింది. అయితే, ఈ సాంగ్‌లో అమ్మడికి చిరుతో కలిసి స్టెప్పులేసే అవకాశం దక్కలేదట. 
ఈ పాటలో చిరంజీవి భాగం అవుతారు కానీ, ఐటెం గాళ్‌తో కలిసి స్టెప్పులేసే అవకాశం లేదట. ఏది ఏమైతేనేం, చిరంజీవి ఎదురుగా డాన్స్ చేసే చాన్స్ అయితే దక్కించేసుకుందీ హాట్ హాట్ అందాల భామ వారినా హుస్సేన్.

Click/tap here to subscribe to MAAGULF news alerts on Telegram
   
Copyrights 2015 | MaaGulf.com