కొత్త ఎలక్ట్రానిక్‌ ట్రాఫిక్‌ సర్వీస్‌ ప్రకటించబడింది. ఈ సర్వీస్‌ ద్వారా, వాహనాల చరిత్రను స్మార్ట్‌ ఫోన్ల నుంచి తెలుసుకునే అవకాశం ఉంది. యూజ్‌డ్‌ కార్లను కొనుగోలు చేయాలనుకునేవారు ఈ కొత్త సర్వీసుని వినియోగించుకుని, వాహనం గురించి తెలుసుకోవచ్చనీ, వెహికిల్‌కి సంబంధించిన హిస్టరీ మొత్తం ఈ సర్వీస్‌లో నిక్షిప్తమై ఉంటుందని ఇంటీరియర్‌ మినిస్ట్రీ వర్గాలు వెల్లడించాయి. ఈ విధానంతో సెకెండ్‌ హ్యాండ్‌ కార్ల అమ్మకాలు పెరుగుతాయనీ, ఈ క్రమంలో తలెత్తే ఇబ్బందులూ తగ్గుతాయని లైసెన్సింగ్‌ ఎఫైర్స్‌ యాక్టింగ్‌ డైరెక్టర్‌ లెఫ్టినెంట్‌ కల్నల్‌ మహమ్మద్‌ మహమూద్‌ యూసఫ్‌ చెప్పారు. ట్రాఫిక్‌ సేవల్ని రౌండ్‌ ద క్లాక్‌ పొందేలా వినియోగదారులకు ఈ కొత్త విధానం ఉపయోగపడ్తుందని ఆయన అన్నారు.