సౌదీ ఎయిర్‌లైన్స్‌ కార్పొరేషన్‌ ఫ్లైయాడీల్‌ అనే ఎయిర్‌లైన్‌ బడ్జెట్‌ ఎయిర్‌లైన్‌ సర్వీసుల్ని డొమెస్టిక్‌, ఇంటర్నేషనల్‌ రూట్స్‌లో వచ్చే ఏడాది ప్రారంభం కానున్నట్లు ప్రకటించింది. వచ్చే ఏడాది మధ్యలో ఫ్లైయాడీల్‌ ఆపరేషన్స్‌ ప్రారంభమవుతాయని సౌదీ ఎయిర్‌లైన్స్‌ కార్పొరేషన్‌ డైరెక్టర్‌ జనరల్‌ సలేష్‌ అల్‌ జస్సర్‌, కింగ్‌ అబ్దుల్‌ అజీజ్‌ ఎయిర్‌పోర్ట్‌లో జరిగిన ఓ కార్యక్రమంలో ప్రకటించారు. తన మాతృ సంస్థ నుంచి స్వతంత్రంగా ఆ సంస్థ ఆపరేషన్స్‌ కొనసాగుతాయని ఆయన చెప్పారు. సౌదీ అరేబియన్‌ హోల్డింగ్‌ గ్రూప్‌ నుంచి, సౌదీ అరేబియన్‌ ఎయిర్‌లైన్స్‌ అటానమీ ఫామ్‌లో ప్రత్యేకమైన బిజినెస్‌ స్ట్రేటజిక్‌ యూనిట్‌గా సేవలు అందిస్తుంది. జనరల్‌ అథారిటీ ఆఫ్‌ సివిల్‌ యావియేషన్‌ బోర్డ్‌ ఆఫ్‌ చైర్మన్‌ మరియు ప్రెజిడెంట్‌, సౌదియా చైర్మన్‌ సులేమాన్‌ అల్‌ హమాదాన్‌ మాట్లాడుతూ, లో-కాస్ట్‌ ప్రయాణీకులకు ఈ కొత్త ఎయిర్‌లైన్స్‌ ఎంతో ఉపయోగపడుతుందని అన్నారు. తొలి దశలో జిసిసి మరియు సరిహద్దు దేశాలే టార్గెట్‌గా ఫ్లైయాడీల్‌ విమానాల్ని నడపనుంది. 29 ఎ320 ఎయిర్‌ క్రాఫ్ట్‌లను ఇందు కోసం రానున్న కొన్ని నెలల్లోనే సంస్థ సమకూర్చుకోనుంది.