విశ్వనటుడు కమల్ హాసన్ ముద్దుల తనయగా సినిమాల్లోకి అడుగుపెట్టింది అందాల భామ శృతి హాసన్. తెలుగుతో పాటూ, తమిళ, హిందీ తదితర భాషల్లోనూ సత్తా చాటింది హీరోయిన్‌గా శృతి హాసన్.  
అయితే, తాను హీరోయిన్ అవ్వాలనుకోవడానికి ముందే, తన బాడీలోని ఓ ముఖ్యమైన భాగానికి సర్జరీ చేయించుకుందట శృతిహాసన్. తాజాగా ఈ విషయాన్ని ఓ ఇంటర్వ్యూలో శృతి హాసన్ వెల్లడించింది.
సహజంగానే హీరోయిన్లు తమ అందాన్ని రెట్టింపు చేసుకోవడానికి కాస్మోటిక్ సర్జరీలు చేయించుకుంటూ వుంటారు. గతంలో అతిలోక సుందరి శ్రీదేవి దగ్గర నుంచీ ఈ పద్ధతి చాలా సహజ సిద్ధంగానే జరుగుతూ వస్తోంది. 
కొందరు ఈ విషయాన్ని గుట్టుగా వుంచేస్తారు. అయితే, శృతి హాసన్ మాత్రం పబ్లిగ్గా చెప్పేసింది. ఇంతకీ ఏ పార్టుకు శృతి హాసన్ సర్జరీ చేయించుకుంది చెప్మా.! అంటారా. ఆగండాగండి. తొందరపడకండి.  మొదట్లో శృతి హాసన్ ముక్కు కాస్త వంకరగా వుండేదట. అద్దంలో చూసుకుంటే అదేమంత బాగా అనిపించేది కాదట శృతి హాసన్‌కి. దాంతో, ప్లాస్టిక్ సర్జరీ చేయించుకోవాలని అనుకుందట.
స్టార్ కిడ్ కదా. వెంటనే చేయించేసుకుంది. ఎంత ఖర్చయినా ఫర్వాలేదనుకుంది. అయితే, ఈ సర్జరీ కోసం చాలానే ఖర్చయ్యిందని చెబుతోంది శృతిహాసన్. ఇలాంటి సర్జరీలు చేయించుకోవడం ఏమంత తప్పుడు పని కాదంటూ కుండ బద్దలు కొట్టేస్తోంది కూడా.