తెలుగు సినిమా ఫార్ములా అంటే, మూడు పైట్లూ, ఐదు పాటలు ఖచ్చితంగా వుండాల్సిందే.  ఈ ఫార్ములాని పెడ చెవిని పెట్టి ప్రయోగాలు చేద్దామంటే, ఫ్లాప్ ముసుగు తొడిగేసి, పక్కన కూర్చోమంటారు ప్రేక్షకులు. 
అందుకే మన తెలుగు మేకర్లు పెద్దగా రిస్క్‌లు చేయరు. ఎవరో ఒకరు అప్పుడప్పుడూ రిస్క్ చేసినా, బొక్క బోర్లా పడి అడ్రస్ గల్లంతు చేసుకుంటుంటారు. ఇంతకీ ఈ విషయం ఇప్పుడెందుకు చర్చకొచ్చిందంటే, లేటెస్టుగా రిలీజైన ‘గాడ్ ఫాదర్’ మేనియా కొనసాగుతోంది ప్రస్తుతం.
తెలుగు, హిందీ భాషల్లో రిలీజై సూపర్ సక్సెస్ సాధించిన ఈ సినిమాని ఈ రోజు అనగా అక్టోబర్ 14 నుంచి తమిళంలోనూ రిలీజ్ చేశారు. సినిమా రిలీజై వారం గడుస్తున్నా, ప్రమోషన్లు ఆపడం లేదు చిరంజీవి. 
ప్రమోషన్లలో భాగంగా సినిమా గురించే కాదు, రాజకీయ పరిణామాల గురించీ, ఇతరత్రా జనరల్ ఇష్యూస్ గురించి కూడా తనదైన శైలిలో స్పందిస్తున్నారు మెగాస్టార్ చిరంజీవి.
ఆ క్రమంలోనే తెలుగు సినిమా ఫార్ములా విషయంలో ప్రేక్షకుల ఆలోచనా ధోరణి మారాలని ఆయన సూచించారు. ప్రయోగాత్మక చిత్రాల్లో నటించాలని వుంది. కానీ, ప్రేక్షకులు ఎలా రిసీవ్ చేసుకుంటారా.? అన్న అనుమానం గట్టిగా వుందని ప్రేక్షకుల ఆలోచన మార్చేందుకు ‘గాడ్ ఫాదర్’ మూవీ ఓ నాంది, ప్రస్థావన కావాలని ఆయన కోరుకున్నారు. అప్పుడే, మంచి కథలు, కంటెంట్ వున్న సినిమాలూ తెరకెక్కుతాయని మెగాస్టార్ తాజాగా ఓ ఇంటర్వ్యూలో తెలిపారు.