అమెరికాలోని ఓహియోలోని క్వీవ్‌లాండ్‌ పోలీసులు, ఓ వ్యక్తిని పార్కింగ్‌ లాట్‌లో గుర్తించారు. తీవ్ర గాయాలతో ఉన్న ఆ వ్యక్తి కిడ్నాప్‌కి గురైనట్లు పోలీసులు గుర్తించారు. కిడ్నాప్‌ చేసి, అతన్ని దోచుకున్న అనంతరం, తీవ్రంగా గాయపర్చి పార్కింగ్‌ లాట్‌లో పడేశారని పోలీసులు చెప్పారు. పోలీసులు విచారణను వేగవంతం చేశారు. సౌదీ అరేబియా నుంచి వచ్చిన ఆ వ్యక్తి డౌన్‌టౌన్‌ హోటల్‌లో నివసిస్తున్నాడని పోలీసులు వివరించారు. ఇద్దరు వ్యక్తులు హోటల్‌ నుంచి తన తండ్రిని తీసుకువెళ్ళినట్లు బాధితుడి కుమార్తె చెప్పారు. బాధితుడి దగ్గర్నుంచి సెల్‌ఫోన్‌, కొంత సొమ్ముని దొంగిలించిన వ్యక్తులు అతన్ని దారుణంగా కొట్టారని పోలీసులు చెప్పారు. సీసీ టీవీ కెమెరాల్లో దుండగులు వినియోగించిన కారుని కూడా పోలీసులు గుర్తించారు.