మనామా: లేబర్ మార్కెట్,  రెసిడెన్సీ చట్టాల అమలుకు సంబంధించి క్షేత్ర స్థాయిలో పరిస్థితులను తెలుసుకునేందుకు లేబర్ మార్కెట్ రెగ్యులేటరీ అథారిటీ (LMRA) తనిఖీలు చేపట్టింది. సదరన్ గవర్నరేట్‌లో జాతీయత, పాస్‌పోర్ట్‌లు, అంతర్గత వ్యవహారాల మంత్రిత్వ శాఖ(NPRA), సదరన్ గవర్నరేట్ పోలీస్ డైరెక్టరేట్‌ల సహకారంతో సంయుక్తంగా చేపట్టిన తనిఖీల్లో భాగంగా ఉల్లంఘనలకు పాల్పడిన పలువురిని అరెస్టు చేశామని, అందులో కొందిరిపై దేశ బహిష్కరణ ప్రక్రియలను ప్రారంభించినట్లు అథారిటీ పేర్కొంది. చట్టవిరుద్ధమైన కార్మిక పద్ధతులకు ప్రభుత్వ ఏజెన్సీలు దూరంగా ఉండాలని, ఉల్లంఘనలకు సంబంధించిన సమాచారం ఉంటే 17506055కు కాల్ చేసి చెప్పాలని లేబర్ మార్కెట్ రెగ్యులేటరీ అథారిటీ పిలుపునిచ్చింది.