కొన్ని మాల్ట్‌ డ్రింక్స్‌లో ఆల్కహాల్‌ లెవల్స్‌ ఎక్కువగా ఉన్నాయంటూ వస్తున్న ఆరోపణల్ని దుబాయ్‌ మునిసిపాలిటీ ఫుడ్‌ సేఫ్టీ డిపార్ట్‌మెంట్‌ ఖండించింది. జీరో పర్సంట్‌ ఆల్కహాల్‌ మాల్ట్‌ డ్రింక్స్‌ నిబంధనలకు అనుగుణంగానే ఉన్నాయని అధికారులు చెప్పారు. కొన్ని ఫుడ్‌ ప్రోడక్ట్స్‌లో ఆల్కహాల్‌ కంటెంట్‌ ఉన్నా అది నామమాత్రమేననీ, నిబంధనలకు లోబడి ఉన్నాయని అధికారులు ధృవీకరించడం జరిగింది. దీనికి సంబంధించి ఓ ప్రెస్‌ రిలీజ్‌ కూడా చేసింది. లోకల్‌ మార్కెట్‌లో దొరికే అన్ని ఫుడ్‌ ప్రోడక్ట్స్‌పైనా ఎప్పటికప్పుడు నిఘా ఉంటుందని అధికారులు వెల్లడించారు. ఎట్టి పరిస్థితుల్లోనూ ప్రజల ఆరోగ్యానికి నష్టం కలిగించే ఆహార పదార్థాల్ని మార్కెట్‌లోకి రానివ్వమని వారు చెప్పారు. పుకార్లను ఎవరూ నమ్మరాదనీ, ఎలాంటి సమాచారం కావాలన్నా అధికారగణం ఇవ్వడానికి సిద్ధంగా ఉంటుందని అధికారులు వివరించారు.