బహ్రెయిన్: సదరన్ గవర్నరేట్‌లోని నిర్మాణ స్థలాల్లో లేబర్ మార్కెట్ చట్టంలోని నిబంధనలను ఉల్లంఘించినందుకు 32 మంది వ్యక్తులపై లేబర్ మార్కెట్ రెగ్యులేటరీ అథారిటీ (LMRA) చట్టపరమైన చర్యలు తీసుకుంది.  ఎలక్ట్రానిక్ కమ్యూనికేషన్ ఛానెల్‌ల ద్వారా వచ్చిన ఫిర్యాదుల మేరకు నిర్మాణ సైట్లను తనిఖీ చేసినట్లు అథారిటీ పేర్కొంది. తనిఖీల సమయంలో నిర్ణీత విధానాలకు అనుగుణంగా లేని వాటిపై చర్యలు చేపట్టినట్లు వివరించింది. అంతర్గత మంత్రిత్వ శాఖ, సదరన్ గవర్నరేట్ పోలీస్ డైరెక్టరేట్‌లో జాతీయత, పాస్‌పోర్ట్‌లు, నివాస వ్యవహారాల సహకారంతో సంయుక్త తనిఖీ విభాగాన్ని ఏర్పాటు చేసి తనిఖీలు చేపట్టినట్లు అథారిటీ వెల్లడించింది. యజమానులు, కార్మికుల హక్కులను పరిరక్షిస్తూ.. చట్టవిరుద్ధమైన కార్మిక పద్ధతులను అరికట్టేందుకు వాణిజ్య సంస్థలు, పని ప్రదేశాలు, లేబర్ సైట్ల దగ్గర నిరంతరం తనిఖీ క్యాంపెయిన్ లు కొనసాగుతాయని లేబర్ మార్కెట్ రెగ్యులేటరీ అథారిటీ  తెలిపింది.