యూఏఈ: అబుభాబిలో వృద్ధాప్యంలో తనను పట్టించుకోని పిల్లలపై ఓ తండ్రి కోర్టుకెక్కి విజయం సాధించిండు.  తన ఐదుగురు పిల్లల పేరిట 23 సంవత్సరాల క్రితం కొనుగోలు చేసిన 7,400 ట్రేడ్ షేర్లను తిరిగిపొందాడు. తాను సంపాదించిన ట్రేడ్ షేర్ల నుండి కొడుకులు లాభం పొందుతున్నా.. తనకు ఆర్థిక సాయం చేసేందుకు నిరాకరించారని కోర్టులో సివిల్ దావా వేశారు. విచారించిన అబుధాబి కోర్ట్ ఆఫ్ అప్పీల్.. తండ్రి కేసును కొట్టివేస్తూ దిగువ కోర్టు ఇచ్చిన మునుపటి తీర్పును రద్దు చేసింది. తన కొడుకులు, వారి తల్లికి బహుమతిగా ఇచ్చిన వాణిజ్య వాటాలను తిరిగి పొందే హక్కు తండ్రికి ఉందని తీర్పునిచ్చింది. కుటుంబ కలహాల నేపథ్యంలో విడాకులు తీసుకొని.. మరో పెళ్లి చేసుకున్నానని, తన ఉద్యోగం పోవడంతో ప్రస్తుతం తీవ్ర ఆర్థిక సమస్యలు ఎదుర్కొంటున్నానని సదరు తండ్రి కోర్టుకు తెలియజేశారు.