మస్కట్: ఒమన్ లో అతిపురాతనమైన సినిమా హాల్‌లో ఒకటైన VOX సినిమాస్ మూసివేశారు. చివరిసారిగా పదిరోజుల క్రితం సినిమాను ప్రదర్శించారు. 'జయ జయ జయ జయ హే' అనే మలయాళ చిత్రాన్ని రూవిలోని VOX సినిమాస్ థియేటర్ లో అక్టోబర్ 31  ప్రదర్శించారు. థియేటర్‌ను పునరుద్ధరించే ప్రణాళికలు పూర్తయ్యే వరకు VOX సినిమా హాళ్లను మూసివేయనున్నట్లు VOX సినిమాస్‌ని నిర్వహిస్తున్న మాజిద్ అల్ ఫుట్‌టైమ్ లీజర్, ఎంటర్‌టైన్‌మెంట్ & సినిమాస్ ప్రకటించింది. జవాద్ సుల్తాన్ గ్రూప్‌తో తమ ఐదేళ్ల ఒప్పందం అక్టోబర్ 31న ముగియడంతో ఐదు థియేటర్లను మూసివేయాలని నిర్ణయించినట్లు తెలిపింది. కాగా, సిటీ సెంటర్,  ఖురమ్, అజైబా మాల్, ఎంజీఎ:, మాల్ ఆఫ్ ఒమన్‌లలో సినిమాల ప్రదర్శన కొనసాగుతోందని పేర్కొంది.