వైఎస్‌ ప్రెసిడెంట్‌ మరియు యూఏఈ ప్రైమ్‌ మినిస్టర్‌, దుబాయ్‌ రూలర్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌, దుబాయ్‌ ప్రభుత్వం ఎంపిక చేసిన ఎక్స్‌లెన్స్‌ ప్రోగ్రామ్‌ అవార్డ్‌ విజేతలతో కలిసి దుబాయ్‌ వరల్డ్‌ ట్రేడ్‌ సెంటర్‌ వద్ద గ్రూప్‌ ఫొటోకి పోజులిచ్చారు. వివిధ రంగాల్లో ఆయా వ్యక్తులు చూపిన ప్రతిభ ఆధారంగా ఈ అవార్డుల్ని ప్రకటించారు. 'అన్‌సంగ్‌ హీరోస్‌' పేరుతో పలువురు ఉద్యోగులకు ఈ అవార్డులు దక్కాయి. దేవా, దుబాయ్‌ మునిసిపాలిటీ, దుబాయ్‌ కల్చర్‌, దుబాయ్‌ కస్టమ్స్‌, మొహమ్మద్‌ బిన్‌ రషీద్‌ హౌసింగ్‌ ఎస్టాబ్లిష్‌మెంట్‌, దుబాయ్‌ పోలీస్‌, దుబాయ్‌ కార్పొరేషన్‌ ఫర్‌ అంబులెన్స్‌ సర్వీసెస్‌, జనరల్‌ డైరెక్టరేట్‌ ఆఫ్‌ రెసిడెన్సీ మరియు ఫారినర్స్‌ ఎఫైర్స్‌ ఇన్‌ దుబాయ్‌, మరియు దుబాయ్‌ కోర్ట్స్‌కి చెందిన ఉద్యోగులు ఈ అవార్డులకు ఎంపికయ్యారు. రషీద్‌ ఆసుపత్రిలో సేవలకుగాను హస్సన్‌ జాఫర్‌ మొహమ్మది అల్‌ జాదా ఈ అవార్డును అందుకున్నారు. అవార్డులు అందుకున్న మరికొందరిలో అహ్మద్‌ యూసుఫ్‌ హస్సన్‌ మురాద్‌ (దుబాయ్‌ మునిసిపాలిటీ ప్రిన్సిపల్‌ లేబర్‌ ఎక్విప్‌మెంట్‌ ఆపరేటర్‌ - ఎమిరేటి), గులాం మొహమ్మద్‌ గులామ్‌ దస్తగిర్‌ (దుబాయ్‌ కస్టమ్స్‌, ఆఫీస్‌ సూపర్‌వైజర్‌ - ఇండియన్‌), సుకైనా అజిజ్‌ అబ్దుల్‌ రహమాన్‌ కరమ్‌ (దుబాయ్‌ పోలీస్‌ ప్రాసిక్యూషన్‌ ఎంట్రీ ఆపరేటర్‌ - ఎమిరేటి) ఉన్నారు.