దోహా: అల్ గస్సార్ ప్రాంతంలోని దోహా ఎగ్జిబిషన్ సెంటర్‌లో ఫిఫా వరల్డ్ కప్ ఖతార్ 2022 ప్రధాన కమాండ్ సెంటర్‌ను అమీర్ హెచ్‌హెచ్ షేక్ తమీమ్ బిన్ హమద్ అల్-థానీ సందర్శించారు. అత్యున్నత అంతర్జాతీయ ప్రమాణాలను సాధించేలా గ్లోబల్ స్పోర్టింగ్ ఈవెంట్ చేస్తున్న సన్నాహాలు, చర్యల గురించి ఆయన అక్కడివారిని అడికి తెలుసుకున్నారు. ఈ సందర్భంగా సుప్రీమ్ కమిటీ ఫర్ డెలివరీ అండ్ లెగసీ (SC), ఫిఫాకు చెందిన అనేక మంది సీనియర్ అధికారులు హిస్ హైనెస్ ను కలిసి ఫిఫా కప్ సన్నాహాలను వివరించారు. ఈ పర్యటనలో అమీర్‌తో పాటు ఆయన వ్యక్తిగత ప్రతినిధి షేక్ జాసిమ్ బిన్ హమద్ అల్-థానీ, ప్రధాన మంత్రి, అంతర్గత వ్యవహారాల మంత్రి షేక్ ఖలీద్ బిన్ ఖలీఫా బిన్ అబ్దుల్ అజీజ్ అల్-థానీ, ఫిఫా అధ్యక్షుడు గియాని ఇన్ ఫాంటినో,  మంత్రులు, వివిధ సంబంధిత సీనియర్ అధికారులు ఉన్నారు.