సునీల్‌రెడ్డి దర్శకత్వంలో సాయిధరమ్‌తేజ్‌, లారిస్సా బొనెసి జంటగా నటిస్తున్న చిత్రం 'తిక్క'. ఈ చిత్రం షూటింగ్‌ కోసం యూనిట్‌ సభ్యులు ఇటీవల మలేషియా వెళ్లిన సంగతి తెలిసిందే. అయితే అక్కడి షూటింగ్‌ షెడ్యూల్‌ శుక్రవారంతో పూరైనట్లు హాస్యనటుడు తాగుబోతు రమేశ్‌ తన ఫేస్‌బుక్‌ ఖాతా ద్వారా తెలిపారు. షూటింగ్‌ సందర్భంగా మలేషియాలో ఎంజాయ్‌ చేసినట్లు పేర్కొన్నారు. ఈ సందర్భంగా యూనిట్‌ సభ్యులతో కలిసి దిగిన ఫొటోను పోస్ట్‌ చేశారు.శ్రీవేంకటేశ్వర మూవీ మేకర్స్‌ పతాకంపై సి.రోహిన్‌రెడ్డి ఈ చిత్రాన్ని నిర్మిస్తున్నారు. రాజేంద్ర ప్రసాద్‌, అలీ, రావు రామేశ్‌, పోసాని, వెన్నెల కిషోర్‌, అజయ్‌, తాగుబోతు రమేశ్‌, సప్తగిరి తదితరులు చిత్రంలో నటిస్తున్నారు.